بتخطط لحياتك.. ولا ماشى بالبركه

فى انواع من الناس بتخطط لكل خطوه ف حياتها حاطين هدف محدد لهم ويبذلوا كل الجهد عشان يوصلوا له وبتبقى عامله حساب كل حاجه يعنى انا هعمل الشهرالجاى كذا وبعد كده هعمل كذا عشان كذا حصل ويبقى موجود ف الخطه بتاعتهم مساحه لوجود الخطأ عشان يقدر يتعامل معاه نتيبعيقلب

******************

فى بقى انواع تانيه بتبقى مريحه دماغها.. حياتها ماشيه بالبركه (مطرح ماترسى دق لها) مش حاطين هدف محدد .. يعنى زى ما تيجى تيجى

الدنيا تمرجح فيهم وهما بيتاعملوا معاها زى ماهي

****************

انت بقى اي نوع من دول ؟ ولا نوع تالت؟
لو كنت من النوع الاول هل انت مبسوط ف حياتك؟ ولا حاسس انك مشيل نفسك الهم؟
ولو انت من النوع التانى انت مستريح كده وانت مش حامل هم حاجه.. وهل حاولت تتغير وتهتم اكتر بمستقبلك ولا انت مبسوط كده؟

_________________

والله يا دعاء انا احسب نفسي من نوع تالت

أنا عارفة انا عايزة ايه لكن كل ما اخطط لطريقي عشان أوصل لهدفي ألاقي أحداث تغير كل اللي انا كنت رسماه والحكاية دي تعتبر اكبر مشكلة في حياتي لن انا عندي طموح عالي جدا لكن للاسف الاحداث اللي بتمر في حياتي بتعطل كل خطوة انوي عليها وحتى الان بآوح في الحياة وبعند مع الظروف ومصممة اني اوصل للي بتمناه بمشيئة الله تعالى بس ادعولي
_________________

جزاكى الله خيرا على هذا الموضوع الجميل يا اخت دعاء وارجو ان تنقليه الى ركن التنمية البشرية علشان اثبته واعمل من خلاله برنامج لتخطيط الحياة حيفدنا كلنا ان شاء الله
_________________

أنا لا اعرف انا من اى نوع
دائما ما اضع خطط لحياتى ولكن دائما تاتى الريح بما لاتشتهى الانفس
ادعولى نفسى احقق حاجة من اللى كان نفسى فيها
_________________
[/img][url]

فعلا يا مصطفى احنا محتاجين برنامج لتخطيط حياتنا ياريت تبدأ الموضوع ده حتى لو على حلقات بس بعد امتحاناتك بقى ان شاء الله cyclops

_________________

ايه يا جماعه رحتوا فين

يلا بسرعه جاوبوا و قولولى انتوا من اى نوع

_________________

كان بودى امشى على ما خطط له فى حياتى
لكن للاسف
مطرة امشى على ما تضعنى الحياة من مواقف