اسف لا اتزوج فتاه تكتب فى المنتديات

السلام عليكم ورحمه الله وبركاته

لقد قرأت هذا الموضوع واريد ان اعرف رأيكم فيه بكل صراحه

خاصه الاخوه الرجال بالمنتدى
فى انتظار تفاعلكم واراءكم الكريمه

اسف لن اتزوج فتاه تكتب فى المنتديات

جات اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها.........................

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان ندلف الى المنتدى لنشاهد مواضيع خطيبتك ؟

قال العريس والعرق يتصبب ولما لا؟

فتح الزميل المنتدى استخرج بالبحث جميع مواضيعها ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم

خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى

من سماع الكلام المعسول او ان لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد

هل انتي الكاتبة الفلانية في المنتدى الفلاني ؟؟؟؟؟؟؟

قالت نعم انا هي

قاطع حديثها وقال اسف انا لا اتزوج فتاة انتر نت

وأطبق السماعة.......................................

حالة قد تمر يوما ما على فتى او فتاة

فما موقفكم ؟ بكل صدق وتجرد انت يا ايها الرجل؟

1-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟؟؟؟؟؟؟

2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

3-بنظرك ،،،، هل كل فتاة تستخدم النت لابد أن يكون لها صديق أو 000000 ؟؟؟؟؟؟؟؟؟؟؟؟

4-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟

5-ماهو الخط الاحمر الذي يجب ان تقف عنده الفتاة وتقول للانترنت ،،،وداعااااااااا ؟؟؟؟؟؟؟؟؟؟؟

6-انت كشاب تستخدم النت وتكتب بمنتديات ،،،هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟؟؟؟؟؟؟

اخوااااااااااني الافاضل تأكدو ان الاجابات الصادقة لهذا الاسئلة سوف تخدم اخوات لكم بشكل كبير ،،،،،،،، فلا تترددو بالرد عليها دون محاباة او مجاملة ،،، ولتضع امام عينك مراقبة الله لك في كتابتك ورأيك ،،،

هذا موضوع منقول ولكني احببت ان اخذ اراء اعضاء المنتدى الكرام في المنتدى في هذا الموضوع

اولا جزاكى الله خيرا يا اخت ايه

الموضوع بجد حساس جدا ولازم فيه كلام كتير

بس انا افضل انى اسمع اراء البنات الاول فى الحاله السابقه دى

ولازم نسمع ارائهم عشان نفتح الحوار

موضوع فى الجون بصراحه ربنا يجزيك خير
وان شاء الله اكون او ل واحد بجاوبك
انا عايزااقول ان مفيش مشكله فى النت وان اى بنت بتستخدمه بس ايه هى طبيعه الاستخدام؟
انا اخواتى البنات مشتركين فى منتديات بس كل بنت
بتحط لنفسها حدود متبعدش عنها مهما حصل
وانا ضد الشات بين ولد وبنت بس مع الحوار العام
فى المواضيع المحترمه بس
وده يعنى البعيده عن الحب والصداقه الغير مبرره
والكلام ده
والحدود الى انا شايفها
انها متكلمش ولد فى شات خاص او حتى فى منتدى على الخاص
وتقتصر فى كلامها وردودها فى المواضيع على الكلام المهم دون مبالغه فى الرد
وده شئ مش مطلوب وممكن يتفهم غلط
وده راى الشخصى
وطبعا مش لازم اى بنت بتستخدم النت يكون ليها صديق والولد برده
وانا مقبلش اتجوز واحده بتتكلم فى الشات الخاص
او طبعا ليها اى صداقه على النت
لكن مفيش مشكله فى اشتركها فى منتدى عام محترم
مش منتدى حب وصداقه الخ
وجزاكم الله خير

_________________

اعتقد ان رأي من رأي كامولة

اي بنت محترمة يجب ان تضع لنفسها حدود في الحوار مع اي رجل أو شاب
وطبعا يكون في العام
اما طبعا العريس اللي ترك خطيبته عشان مشتركة في منتدى متسرع ومخطئ طبعا
_________________

جزاكم الله خيرا يا ايه

بجد الموضوع ده مهم جدا جدا

وانا من الناس اللى عايزة اعرف راى الشباب فى البنات المشتركين ع المنتدى

وهقول رأيى بعد ما اسمع راى الشباب وتعليقاتهم

بس ياريت الرد يكون صريح

انا اسف ياجماعة انى اتاخرت فى الرد اعذرونى لظروف عملى

لكن انا عايز ققول حاجة مهمة اوى ياجماعة انتوا لية باصين للموضوع من النظرة الضيقه

الشاب الخطيب اخطأ اخطأ لانه لم يناقش الموقف ولم يتحرى الامر

ولكن الاخت ايضا مخطأة لان الاخوات احيانا بينسوا نفسيهم فى الردود واحيانا يبقى هزار

وتريقة طيب هل دة شرعا يجوز طيعا حتقولولى احنا مش شايفين بعض ومنعرفش بعض

طيب هل دة ينفع فى عالم الواقع لو حضرتك مثلا راكبه اتوبيس واتفتح موضوع جاد وهام جدا بين الرجال ممكن تشاركى

لو اتفتح موضوع سياسى او دينى ممكن تشاركى لا طبعا لكن ده بتعملية فى المنتديات بلا اى وازع

وانا على حد علمى ان الى بيعمل كدة تنطبق علية اية سورة البقرة ( واذا لقوا الذين امنوا قالو امنا واذا خلو الى شياطينهم قالوا انا معكم انما نحن مستهزئون )

انا رأى ان الافضل للبنات عدم المشاركة فى المواضيع الى فيها شباب او الرد على استخفافتهم

واعتقد فى هذة الحاله صعب ان العريس لو حتى قرأ هذا الكلام يستطيع انة يعلق

واسف على الاطاله

_________________
[بنبض وعزم اصرارى حشيل الورد من الصبار واجيب من ضلمتى نهارى واشق البحر والاعصار ومهما يعاند التيار حشد لاخر المشوار وحمشى فى سكة الابرار وخلى الدنيا سامعانى حعيش واتحدى احزانى

الاستاذ عاشق الجنه بيقول كلام مش صح "الى اخواتى فى المنتدى اكتب لكم رأى انا اختى عضوه فى المنتدى بتاعنا وبتشترك ده معناه انها مش صح ولو ان المرأه مش تشارك يبقى مش لازم تشتغل بقى عشان متكلمش رجاله فى الشغل ونلغى بقى المرأه من المجتمع ، بس ده ما يمنعش ان اى واحده بتكلم ولد على الخاص والشات بتبقى بتعمل حاجه مش صح وبصراحه انا مش بميل للبنت اللى بتحب تفضفض مع ولد لان البنات مخلصتش وأتمنى نبص للموضوع ده فى تعامل الراجل مع الست فى كل حاجه مش فى موضوع المنتدى بس قبل الرد"

يا جماعة في حاجة هو كون ان البنت بتكتب في المنتديات او بتدخل ع النت دي الحاجة الوحيدة اللي غلط اللي ممكن تعملها البنت دا يعني اذا اعتبرنا ان دا غلط

والله لو في واحد عايز يرتبط بواحدة لازم يعرف اخلاقها كويس يعني اهلها تربيتها الناس اللي بتتعامل معاهم واخلاقهم يعني لازم الاول يتأكد تماما من ان اخلاقها كويسة جدا وان اخلاقها دي مش ممكن تسمحلها بانها تعمل حاجة غلط وبيتهيألي بعد كده مش هتفرق معاه مشتركة في منتدى بتكتب ع النت
وبعدين في بنات كتير مبتشتركش في منتديات ولا تعرف حاجة في الكمبيوتر خالص بس بتعمل حاجات تانية غلط
انا عارفة ان رايي مش هيعجب ناس كتير بس رأيي وانا مقتنعة بيه جدا

اختى فى الله نونا

انا مع رايك تماما

ودلوقتى انا بوجهه كلامى للاستاذ عاشق الجنة

انا رأى ان الافضل للبنات عدم المشاركة فى المواضيع الى فيها شباب او الرد على استخفافتهم

ماهو كل المواضيع فيها شباب وحضرتك بترد عليها

ولو الاخت تجاوزت حدودها وهزرت هزار مبالغ فيه بتهزر معاها وبترد عليها

ولا هوه راى حضرتك ان البنت ماتهزرش لكن الشباب يهزروا زى ماهما عايزين

وانا على حد علمى ان الى بيعمل كدة تنطبق علية اية سورة البقرة ( واذا لقوا الذين امنوا قالو امنا واذا خلو الى شياطينهم قالوا انا معكم انما نحن مستهزئون )

الايه دى تنطبق على الخلوة ولكن احنا على منتدى مفتوح والردود باينة للجميع

معذرة إذا كان كلامى زعل حد

بس الرد اللى اتكتب ده معناه ان البنت لاتشارك فى اى رد مرة اخرى او حتى انها تشترك على اى منتدى

انا فى حاجتين عجبانى هنا فى الموضوع

ان الموضوع فعلا ذات اهميه عند كل اللى رد

وان المناقشه على شكل راقى جدا

وردى على الموضوع ده حاجه عمليه جدا

انى اتقدمت لاخت من المنتدى هنا من فتره ذات خلق ودين

بس القسمه والنصيب والقدر احال بينا

اظن ان ده ابلغ رد على الموضوع

واكيد وصلكم رأيى